Искусниот македонски интернационалец и поранешен репрезентативец, Иван Тричковски повторно постигна гол за екипата на АЕЛ Лимасол и успеа да им донесе победа на домашните на денешниот меч со Паралимни во кипарскиот шампионат.
На голот на Тричко му претходеше промашен пенал, токму од нашиот интернационалец, кој не успеа да реализира удар од 11 метри во 17. минута. Сепак, искусниот голгетер ја поправи работата во 55. минута кога го совлада гостинскиот голман и го постигна првиот гол во победата на АЕЛ од 2:0.
Со овој триумф, тимот од Лимасол останува во безбедната зона на табелата во кипарското првенство.
