Дербито меѓу ТФТ и Пелистер во рамките на последното коло од Првата лига му припадна на домаќинот кој славеше со 79-67. Тимот од Тафталиџе ќе чека целосна разврска на колото за потврда на позицијата од која ќе стартува во плеј-офот, а тоа е второто место.
Две добри четвртини беа доволни за да ТФТ дојде до победата. По 18-22 во првите десет минути, кошаркарите на домашниот тим во следните две четвртини направија разлика од 46-27. Во последниот период битолчани се бореа да за приредат пресврт, но беа немоќни.
Браун со 23 поен беше прв стрелец кај победникот, Зафиров запиша 12 поени. На другата страна Антоан и Стајиќ имаа по 14 коша.
