Попладнево од 15 часот закажани се пет средби од 26.коло во нашата елитна фудбалска лига. Вчера Струга ТЛ како домаќин славеше против Пелистер со 4:1.
Вардар гостува во Струмица, каде се среќава со Брера и вардарци не кријат дека во петтото гостување оваа пролет ја посакуваат четвртата победа. Струга ТЛ, Работнички и Пелистер беа совладани на нивни терен, само со Силекс беше нерешено. Тимот на стратегот Гоце Седлоски сака нова гостинска победа, сака и продолжување на добрата серија резултати оваа пролет.
Интересно, веќе во среда во Скопје овие две екипи ќе го играат првиот меч од 1/2 финалето во Купот на Македонија. Да потсетиме дека Вардар досега на сите натпревари оваа пролет, ги одигра осум, има само еден пораз и тоа во првото против Шкендија. Со победа денеска и дефинитивно нашиот најтрофеен клуб ќе побегне и тоа како од опасната зона на табелата.
На Чаир домашниот Шкупи го дочекува Работнички. Ова е скопско дерби, меч во кој за гостите бодовите се непходни во битката за самиот врв. Шкупи не е под таков притисок.
Во Кавадарци се најавува голема посета на средбата Тиквеш – Шкендија, дуел кој е со екстремна важност за двете екипи.
Беса како домаќин на градскиот стадион во Гостивар го дочекува истоимениот тим, а Воска игра со Силекс.
ДВОЈКИ ЗА 26.КОЛО – ДЕНЕСКА (15 Ч)
Скопје: Шкупи – Работнички
Гостивар: Беса – Гостивар
Охрид: Воска – Силекс
Кавадарци: Тиквеш – Шкендија
Струмица: Брера – Вардар
ВЧЕРА
Струга ТЛ – Пелистер 4:1
ТАБЕЛА
Шкендија 53, Силекс 49, Работнички 48, Гостивар 44, Струга ТЛ 42, Шкупи 32, Пелистер 29, Вардар 25, Тиквеш 22, Воска 22, Брера 21, Беса 21
