18-годишниот возач на Мерцедес, Андреа Кими Антонели со задоволство ќе ја памети Големата награда на Јапонија. Младиот Италијанец мирно ја мина целта на шестото место, но собори и два рекорди кои претходно ги држеше Макс Верстапен, победникот на Јапонското ГП и актуелен четирикратен шампион во Формула 1.
Првиот рекорд што го собори беше оној на најмладиот возач кој водел на трка. Антонели го постигна тоа со тоа што отиде во боксот последен од сите возачи од горниот дел од поредокот, па пред да застане да менува гуми беше во водство неколку круга. Верстапен за прв пат во кариерата водеше кога имаше 18 години и 228 дена, а Антонели тоа го стори четири дена помлад.
Вториот рекорд го собори Антонели веднаш по враќањето од боксот со нови гуми. Италијанецот го постави најбрзиот круг на овогодинешното Јапонско ГП и исто така стана најмладиот возач во историјата со најбрз круг на трка. Верстапен и таму беше рекордер со тоа што за прв пат го имаше најбрзиот круг на веќе 19 години.
По првите три трки од дебитантската сезона, Антонели е на петтото место во генералниот пласман со 30 бодови.
This man just set the fastest ever racing lap at Suzuka! 💨
Kimi Antonelli beats Lewis Hamilton’s 2019 record with a 1m 30.965s in today’s race ⏱️#F1 #JapaneseGP pic.twitter.com/m3Vu7rmpw6
— Formula 1 (@F1) April 6, 2025
