Тренерот на Пари Сен Жермен, Луис Енрике беше воодушевен откако неговиот тим официјално ја освои четвртата титула по ред во Франција. Тоа стана официјален факт по успехот од 1-0 над Анже. Тренерот е среќен што оваа победа дојде на „Паркот на принцовите“ пред париските навивачи, кои би можеле соодветно да прослават уште еден трофеј во клупскиот прозорец.
“Овој успех доаѓа по една сезона, една година, полна со тешкотии. Денеска успеавме да им донесеме голема радост на нашите навивачи. Имавме и многу убави моменти, но благодарение на нивната поддршка не престанавме да одиме напред. Имаме голема среќа што играме овде на Паркот на принцовите и на овој начин стануваме шампиони”, изјави Луис Енрике.
Тој не го криеше своето задоволство што работи со тим кој може да игра добар фудбал и да освојува титула.
“Среќен сум што работам со овие момци и градам тим кој може да игра добар фудбал и да освојува трофеи. Мило ми е што имам толку добри играчи кои се посветени на играта. Одлично е што имам толку многу ресурси на располагање.
Во текот на оваа сезона имаше деликатни моменти каде што требаше да покажеме нешто повеќе, но тоа го направивме колективно. Многу ме радува фактот што и на навивачите на другите тимови им се допаѓа начинот на кој играме. За нас е важно да ги забавуваме нашите поддржувачи, но ако и на другите им се допаѓа нашата игра, тоа е одлично“, заклучи тренерот.
