Oтказот на Мајк Мелоун го потресе Денвер. Нагетс го отпуштија тренерот кој ги водеше десет години и со кој ја освоија НБА лигата пред две години. Тоа го направија по четири порази во низа, но и по 79 натпревари од регуларниот дел од сезоната. Така, тие ја направија најновата тренерска промена во историјата на НБА кога се во прашање тимовите кои одат во плеј-офот.
Тимот привремено го презеде поранешниот помошник на Мелоун, Дејвид Аделман. Само еден ден подоцна Нагетс играа во Сакраменто и предводени од Никола Јокиќ остварија важна победа 124:116. Така, на два натпревари до крајот на регуларниот дел, тие останаа меѓу првите шест екипи во пресрет на плеј-офот.
Јокиќ мечот го заврши со 20 поени, 12 скока и 11 асистенции, но пред крајот на третата четвртина имаше трипл-дабл. Ова е негов 33-ти трипл-дабл сезонава и 163-ти во кариерата. Повеќе од него во историјата на НБА имаат само Оскар Робертсон (181) и Расел Вестбрук (203).
Денвер го отпушти својот тренер. Погледнете кој го зема тајмаутот
Има вирална сцена од Јокиќ кој води тајм-аут. За време на паузата камерите го фатија како користи табла и маркер за да им објасни на играчите што треба да играат. Тоа видео стана хит во контекст на неодамнешната тренерска промена во Денвер.
Nikola Jokic agora é o técnico do Denver Nuggets https://t.co/zbQUR0rZLH
— NBA do Povo 🏀🇧🇷 (@NBAdoPovo) April 10, 2025
