Барселона, по се изгледа, ќе остане без потписот на дефанзивецот на Баер (Л), Џонатан Тах. Причина, секако се финансиските проблеми.
Според каталонскиот весник „Спорт“, раководството на клубот го информирало агентот Пини Захави дека трансферот на Тах во моментов е невозможен. На Ханси Флик му се допаѓа профилот на дефанзивецот, но поради ограничувањата на финансискиот фер-плеј, сè ќе зависи од тоа кои приоритети ќе ги постави одделот за спорт.
Она што е јасно во овој момент е дека Тах не сака да ја доживее истата судбина на Дани Олмо со проблемот со регистрација. Дефанзивецот сака да се пресели во Барселона, но само ако има чиста ситуација.
