Јокиќ го дозна патот до финалето, ќе игра против соиграч од репрезентацијата!

По одигрувањето на сите натпревари од регуларниот дел од сезоната познати се сите двојки во плеј-ин и плеј-оф натпреварувањето во НБА-лигата.

Во плеј-инот е битка меѓу екипите кои се пласираа од 7 до 10 во регуларниот дел од сезоната и ќе се борат за седмото и осмото место во плеј-офот, а потоа ќе се соочат со број еден и број два на конференциите. Победникот на дуелот меѓу седмиот и осмиот е директен учесник во плеј-офот, а поразениот добива уште една шанса против победникот од дуелот меѓу деветтиот и десеттиот во регуларниот дел.

Плеј-ин натпреварувањето почнува во вторник, а плеј-офот на 19 април. Сите серии се играат на четири добиени натпревари.

Никола Јокиќ и неговиот Денвер ќе играат против ЛА Клиперс за кого настапува Богдан Богдановиќ.