Менаџерот на Ливерпул, Арне Слот го коментираше новиот договор на Вирџил Ван Дaјк. Вчера „црвените“ објавија дека холандскиот дефанзивец го обновил договорот со клубот до 2027. Тој го следеше Мохамед Салах, кој исто така се обврза на „црвените“ уште две години.
“Сакаме да ги задржиме нашите најдобри играчи и фактот што го направивме тоа кога им истечеа договорите ја покажува амбицијата што ја имаме за следните години. Многу сум среќен што и двајцата ги продолжија договорите. Зборувавме за Мо Салах минатата недела и Вирџил кој ни е толку важен во одбраната, офанзивата, во соблекувалната и надвор од неа”, рече Слот.
Тој вели дека е тешко да се опише улогата која Ван Дајк ја има во тимот.
„Тешко е да се опише Ван Дајк. Можете да видите колку е важен. Кога гледам фудбал, го гледам поседот и тој е толку добар во носењето на топката и со неговите дијагонални додавања. Тој исто така е лидер на теренот за тренинзи. Никогаш не сум работел со играч како него во однос на лидерството и енергијата што ја носи во тимот на секој тренинг“.
Запрашан за иднината на Трент Александер-Арнолд, кој изгледа подготвен да го напушти клубот на лето:
„Ќе бидете изненадени ако ви дадам поинаков одговор на она што го зборувам цела сезона. Добро е што објавивме два нови договори, но со Трент – не зборуваме за работи што не се случиле. Трент се враќа од повреда или секој пат кога тренира ни дава. Тој не е подготвен да биде стартер, но ако се биде добро утре, тој би можел да биде на клупата“.
Ливерпул би можел да стане шампион овој викенд, но Слот рече дека воопшто не размислува за тоа.
„Моите размислувања воопшто не се на тоа. Тие се за Лестер и нашиот тим, за тоа што можеме да го подобриме. Искрено, воопшто не размислував за титулата. Не знам дали ми верувате, но верувам. Целиот мој живот се трудам да бидам во моментот. Не гледам назад и не гледам напред. Луѓето секогаш велат дека треба да уживате во следното патување“.
