Со својот деветти сезонски гол, извонредниот Шкотланѓанец во составот на наполи, Скот Мектоминеј, им донесе нова победа на наполитанците во Серија А лигата. Попладнево на гостувањето кај веќе отпишаната Монца, Наполи славеше со минимални 0:1, токму благодарение на голот во 72. минута.
Распадори асистираше за Мектоминеј кој уште еднаш покажа дека се наоѓа во врвна форма откако си замина од „Олд Трафорд“ и се пресели во италијанското калчо.
Со оваа победа Наполи останува втор на табелата со идентично бодовно салдо како и Интер, кој се уште го нема одиграно мечот од ова тековно 33. коло. Монца е убедливо последна и веќе се подготвува за преселба во Серија Б.
