И официјално. Надлежните во ФФМ покренуваат постапка против Воска, односно клубот од Охрид ќе биде предаден на Дисциплинска, а Вардар, овој меч кој беше прекинат во 75.минута, го доби со службени 3:0.
Ова значи дека Вардар сега има 32 бода. Ова е одлука на Натпреварувачката комисија која утре само ќе се озваничи, со оглед на тоа дека денеска е неработен ден.
Инаку јасно е дека Воска ја чека казна од страна на Дисциплинската комисија за напуштање на теренот и ќе биде санкционирана со одземање на бодови и тоа од 3 до 9. За ова решава Дисциплинецот до крајот на оваа седмица.
