Еден од најпопуларните тренери на денешницата, Жозе Мурињо, во блиска иднина би можел да ја исполни својата долгогодишна желба и да стане селектор на португалската фудбалска репрезентација на чие чело моментално е неговиот колега Роберто Мартинез.
Актуелниот тренер на Фенербахче веќе подолго време се најавува за селектор, како што навестува неговата блескава тренерска биографија и седмата деценија од животот.
Поранешниот тренер на Порто, Реал Мадрид, Интер, Манчестер Јунајтед и Тотенхем беше еден од кандидатите за преземање на селекторската функција во Бразил, но ја одби поканата од петкратниот светски шампион.
Ваквиот исход сугерира дека конечно дојде време тој да ја преземе португалската репрезентација, а оваа информација ексклузивно ја пренесе Си-Ен-Ен.
Португалците минатиот месец се пласираа во плеј-офот од Лигата на нации, каде на 4 јуни ќе играат во полуфиналето против Германија, а во септември се очекува стартот на квалификациите за Светското првенство за следната година.
Ако се земе предвид дека Португалците немаат никаков успех на големите натпреварувања откако го освоија ЕП 2016 во Франција, јасно е дека би било идеално да тргнат во поход кон Мундијалот следната година со Мурињо.
Португалците долго чекаа за успех на Мундијалот, па јасно е дека дојде време една од поталентираните европски селекции конечно да ја прекине лошата традиција на Мурињо.
