Реал не брилјираше, но во тешкото гостување Арда Ѓулер забележа победа и се уште го држи чекорот со лидерот Барселона, кој сега има +4.
На пет кола пред крајот се уште е можно, особено што екипите ќе се сретнат во лигата, а наскоро ќе се сретнат и во финалето на Купот на кралот.
Натпреварот за трофејот ќе се игра за три дена, но Италијанецот има голем проблем бидејќи очигледно останува без важна алка. На крајот од мечот со Гетафе, Едуардо Камавинга се урна на теренот.
Иако се обиде да го продолжи мечот, повторно легна на тревата, но Анчелоти немаше право на замена, па со играч помалку неговиот тим мораше да издржи со водство од 1:0.
Камавинга започна на клупата, но влезе во игра за Давид Алаба на полувремето. На прес-конференцијата Анчелоти изјави дека ниту тој, ниту Алаба нема да бидат подготвени за дуелот со Барса, па ќе мора да бара друго решение во одбраната и средниот ред.
Камавинга секако е важен играч во тимот на Реал, особено затоа што може да игра на повеќе позиции, па неговото отсуство можеше да се почувствува на дуелот со Каталонците.
Она на што може да се радува Анчелоти е добриот настап на Арда Ѓулер кој беше стартер покрај Ендрик, а токму Турчинот постигна одличен гол за победа и не е исклучено уште од првата минута да добие шанса во големото финале в сабота.
🚨 CAMAVINGA PICKS UP A SERIOUS INJURY, BAD NEWS FOR REAL MADRID! pic.twitter.com/kcwsbJFqLx
— The Touchline | Football Coverage (@TouchlineX) April 23, 2025
Eduardo Camavinga took a hard fall after this challenge, tried to continue playing, but went down on his own moments later and limped off the pitch with an apparent injury for Real Madrid. pic.twitter.com/lBtvVSpCRT
— ESPN FC (@ESPNFC) April 23, 2025
