Третиот светски рекет, Карлос Алкараз, најверојатно нема да биде дел од завршниот Мастерс турнир во Мадрид, бидејќи неговата повреда на бутот е таква што шансите да игра на теренот се намалуваат, објавија медиумите во Шпанија.
Алкараз пред четири дена беше поразен во финалето на Барселона од Холгар Руне, а веќе на тој меч, кој дојде по неговиот триумф во Монте Карло, беше јасно дека телото на актуелниот олимписки вицешампион не е во најдобра форма.
Проблемот со повредата на бутот што дојде како резултат на се попреполната сезона на земјени терени најверојатно ќе го чини учество на неговиот омилен Мастерс турнир, бидејќи двапати победи во шпанската престолнина.
Веста за повлекувањето на Алкараз од Мадрид треба да биде објавена денеска во 12:30 часот, кога Шпанецот ќе одржи прес-конференција на која треба да ја отстрани и последната дилема околу неговото учество.
Ваквиот расплет на ситуацијата му оди во прилог и на Новак Ѓоковиќ, кој според проекцијата на ждрепката треба да се сретне со Алкараз во вториот дел од турнирот, па публиката ќе биде возбудена за одличен тениски спектакл.
