Денвер претрпе тежок пораз од ЛА Клиперс (83:117) во третиот натпревар од првото коло од плејофот на Западната конференција. По првиот натпревар во Лос Анџелес, во серијата „најдобар од четири“, Клиперси водат со 2:1.
Никола Јокиќ и на оваа средба беше најдобар. Актуелниот и трикратен МВП на најсилната лига постигна 23 поени (9/14 шутеви од поле) со 13 скока и 13 асистенции.
Пред натпреварот, Клиперсите им обезбедија на своите најстрасни навивачи специјални реквизити наменети да го провоцираат најдобриот играч на противничкиот тим. Навивачите зад кошевите, во делот од гледалиштето познат како Ѕидот, беа пречекани од плишани глави на коњи на столчињата што беа влечени преку нивните глави.
Клиперсите им делеа реквизити на навивачите за да го одвлечат вниманието на Јокиќ додека изведуваше слободни фрлања свртен кон Ѕидот. Во тие прилики можеа да се видат стотици плишани глави на коњи. Оваа бизарна провокација е насочена кон Јокиќ бидејќи тој е голем љубител на коњи и сопственик на хиподром во неговиот роден град Сомбор.
Ова не е прв пат Јокиќ да биде пречекан со таква провокација на „Клиперс“. Минатиот декември, додека изведуваше слободни фрлања во Лос Анџелес, еден домашен навивач држеше транспарент на кој пишуваше „Тато, ми недостигаш“, а носеше маска на коњ.
The Clippers gave fans horse hats to distract Nikola Jokić😂😂 #MileHighPlayoffs pic.twitter.com/Q0ZetbeqOX
— Guerilla Sports (@guerillasports_) April 25, 2025
The horse distractions worked on Jokic 😭 pic.twitter.com/86jWAKN5U8
— BricksCenter (@BricksCenter) April 25, 2025
Најдобар стрелец кај Клиперсите беше Кавај Ленард со 21 поен, а имаше и 11 скока и шест асистенции. Џејмс Харден постигна 20 поени, со девет асистенции и шест скока.
Во вториот натпревар од Западната конференција, Оклахома Сити ги победи Гризлис во Мемфис со 114:108 и сега води со 3-0. Њујорк славеше против Детроит на гости со 116-118 и поведе со 2-1 во серијата.
