Баерн Минхен на свој терен, во меч од 31.коло во Бундеслигата успеа да го победи Мајнц со 3:0, но сепак не ја официјализира својата 34.титула ако се знае дека и Леверкузен успеа да победи. Па така на три кола до крајот“баварците“ имаат осум бода предност. Тоа ќе се случи најверојатно следното коло и тогаш Хари Кејн ќе го урне проклетсвото, тој ќе го освои првиот трофеј во својата кариера.
Инаку на овој меч Томас Милер го запиша 500-тиот меч во Бундеслигата, тој е само четврти фудбалер кој одиграл толку мечеви во оваа лига за само еден тим.
Да кажеме дека стрелци на головите за Баерн Минхен беа Сане, Олисе и Даер.
На останатите мечеви Леверкузен со 2:0 славеше против Аугзбург. Кил со 4:3 го победи составот на Менхенгладбах, Волфсбург дома беше поразен од Фрајбург со 0:1. Дортмунд како гостин славеше против Хофенхајм со 2:3.
