Лука Дончиќ и ЛА Лејкерс се на чекор до елиминација од плејофот по првото коло, бидејќи Минесота го доби третиот натпревар и сега води во серијата со 2:1. Резултатот од третиот натпревар е 116:104.
Ова беше тежок период за Дончиќ бидејќи има сериозни проблеми со стомакот, но сепак одлучи да излезе на теренот и да игра. Наводно, Словенецот повраќал во последните 24 часа, но успеал да собере сила и да игра 40 минути.
Дончиќ не беше на свое ниво, бидејќи успеа да постигне само 16 поени, а не помогна ниту Леброн Џејмс кој играше како во неговите најдобри денови. Џејмс го заврши натпреварот со 38 поени и 10 скока.
На другата страна МекДениелс беше најефикасен со 30 поени, додека Ентони Едвардс додаде 29 поени.
Видео од Едвардс како брутално забива преку Дончиќ исто така стана вирално на социјалните мрежи. Ѕвездата на „Вулвс“ прво му ја украде топката на словенечкиот кошаркар, а неколку секунди подоцна се втурна под обрачот и заби.
THIS DUNK FROM ANTHONY EDWARDS IS WILD! 😳🔥
Edwards steals the ball off Luka Doncic and dunks on him. He is not messing about.
Don’t miss the NBA action LIVE on ESPN on #disneyplusau / #disneyplusnz 📺 pic.twitter.com/x9hdvsNhXO
— ESPN Australia & NZ (@ESPNAusNZ) April 26, 2025
На останатите средби Орландо го победи Бостон со 95-93 и поведе со 2-1, Милвоки ја совлада Индијана со 117-101 и поведе со 2-1.
