По вторпат во историјата на мак – фудбалот, мислиме тука секако на домашна сцена, на еден натпревар ќе има ВАР. И тоа на средбата меѓу Вардар – Струга Трим Лум во финалето на Купот на Македонија, кое се игра на 21 мај на Националната Арена “Тодор Проески“ во Скопје од 20 часот.
Да потсетиме дека и на ланското финале од Купот, за првпат, имаше ВАР на мечот Тиквеш – Воска.
Секако дека ова е уште чекор напред кон применување на ВАР технологијата во нашиот фудбал, кој стана приоритет на новото раководство на Фудбалската федерација на Македонија на чело со Масар Омерагиќ.
Познато е дека Омерагиќ вети дека од следната сезона во нашата ПМФЛ ќе има ВАР технологија и во моментов се прават неопходните чекори од надлежната комисија така и да биде.
