Димитар Митровски сезонава, посебно во пролетниот дел просто блеска во дресот на Вараждин. Македонскиот играч за врска е во центарот на фудбалска Хрватска што се вели, посебно по последниот меч на неговиот тим со Локомотива на кој Митровски одигра екстра.
Постигна и мајсторски гол од слободен удар, еден од двата на овој меч.
Токму затоа, а и поради игрите во изминатиот период, според ХНЛ нашиот репрезентативец има две номинации.
Првата е за најдобар играч во елитната лига во Хрватска, а втората е најубав гол или гол на месецот.
Допрва ќе видиме дали Митровски ќе успее да се закити барем со една награда.
Исто така и тој и Илија Несторовски се во идеалниот тим на колото во ХНЛ.
