Македонскиот репрезентативец до 19. години, Матеј Гаштаров го потпиша првиот професионален договор со неговиот клуб Црвена Звезда.
Играчот кој има огромна перспектива и кој е еден од најголемите таленти на македонскиот фудбал, ја води својата кариера на едно сосема друго ниво со потпишаната верност со некогашниот европски и светски кубски првак.
Гаштаров е дете на Вардар, а во Белград замина во сезоната 2023/24 година и најпрво беше регистриран во филијалата на Звезда, Минералац. Сепак, тој најголемиот дел од мечевите ги одигра за младинскиот погон на „црвено – белите“ каде што имаше и тоа како добра минутажа како на домашна, така и на меѓународна сцена.
Плејадата на македонски фудбалери во Црвена Звезда во моментов брои неколкумина, а Гаштаров е првиот кој што добива професионален договор.
