Вечерва се одиграа четирите први полуфинални мечеви во Лигата на Европа и во Лигата на Конференции.
Манчестер Јунајтед во ЛЕ успеа со 0:3 да слави на „Сан Мамеш“ на гости кај Билбао. И ако се знае дека реваншот се игра на “Олд Трафорд“ тогаш јасно е дека тимот на Рубен Аморим е на чекор до пласман во големто финале кое се игра исто на “Сан Мамеш“. На баскијците ќе им треба чудо на гости во Манчестер за седум дена.
Каземиро и двапати Бруно Фернандеш, уште во првото полувреме донесоа убедлива победа.
Тотенхем на свој терен со 3:1 славеше против Бодо/Глимт па така по се изгледа ќе гледаме англиско финале во ЛЕ, и ако биде така тогаш дури шест екипи од Премиерлигата ќе има во Лигата на Шампионите.
Во Лигата на Конференции екипата на Челзи како гостин славеше кај Ѓургарден со 1:4 и со тоа речиси веќе е во финалето каде што ќе игра против Бетис или Фиорентина.
На дуелот во Севилја меѓу овие два тима, победи Бетис со 2:1, но сепак реваншот се игра во Италија.
РЕЗУЛТАТИ ЛЕ – ПОЛУФИНАЛЕ (ПРВИ МЕЧЕВИ)
БИЛБАО – МАНЧЕСТЕР Ј. 0:3
(/Каземиро 30., Фернандеш (п) 37. и 45.)
ТОТЕНХЕМ – БОДО/ГЛИМТ 3:1
(Џонсон 1., Медисон 34., Соланке (п) 61./Салтнес 83.)
РЕЗУЛТАТИ ЛК – ПОЛУФИНАЛЕ (ПРВИ МЕЧЕВИ)
БЕТИС – ФИОРЕНТИНА 2:1
(Езалзоули 6., Антони 64./Раниери 73.)
ЃУРГАРДЕН – ЧЕЛЗИ 1:4
(Мулугета 68./Санчо 13., Мадуеке 43., Џексон 59., 65,)
