Минесота Тимбервулвс се пласираше во полуфиналето на Западната конференција на НБА откако ги победи Лос Анџелес Лејкерс со 103:96 на гостински терен во петтиот натпревар од првото коло од плејофот.
Леброн Џејмс запиша 22 поени, седум скока и шест асистенции, а по натпреварот, „Кралот“ беше прашан дали е подготвен за новата сезона и кога таа ќе заврши.
„Немам одговор на тоа. Ќе седнам со сопругата, семејството и мојата група за поддршка… Ќе разговарам сам со себе колку долго сакам да продолжам да играм. Ќе видиме“, рече Леброн Џејмс.
Прашањето е дали тој сè уште сака да издржи сезона од 82 натпревари и понатаму кога нема што повеќе да докажува.
Тој ќе наполни 41 година во декември, а следната сезона ќе ја одбележи неговата 23-та година во НБА откако беше драфтуван од средно училиште на 18-годишна возраст.
LeBron James says he needs to talk with his family, support group and reflect personally before deciding how much longer he’ll play. pic.twitter.com/arQNXya1wa
— ESPN (@espn) May 1, 2025
