После Фенербахче вечерва го дознавме и вториот патник на Ф4 во Дубаи во Евролигата. Тоа е Олимпијакос кој среде Мадрид, во една драматична завршница, успеа да победи со 84:86 и со тоа ја заврши серијата со 3:1 во победи.
Реал мечот го почна силно и агресивно, успеа да го добие првиот период до 21:16. Во вториот беше израмнето 26:26, а сепак се чини дека гоститте од Пиреја во третата четвртина покажаа сила и влегоа во последниот период од овој натпревар со +3 поени.
А таму имаше од се по нешто, но тимот кој беше лидер по лигашкиот дел знаеше како треба и на крај успеа да победи.
Фурние со 23 поени беше најефикасен кај гостите, додека Хезоња со 21 поени имаше забележителна партија во дресот на “кралевите“.
