Во таборот на Струга Трим Лум на вистински начин го прославија денешниот празник. Први Мај, денот на работникот. Со излет и скара. Онака како што доликува. Одлична идеја на раководството на клубот, која што секако дополнително ќе создаде добра атмосфера во тимот пред финишот на шампионатот.
Временските услови се одлични за вакво нешто, на охридското крајбрежје денеска е сончево како што е впрочем во цела Македонија.
Токму затоа Стружани решија на ваков начин по денешниот тренинг да се соберат и да го одбележат денешниот ден.
В недела пак ги очекува големото дерби токму на домашен терен против Шкендија со почеток од 16:00 часот.
