Заврши првото полувреме од дербито на 30.коло на Чаир меѓу Шкупи и Вардар со резултат 0:1 и тоа со голот на Мато во 45+1.минута. Во убава атмосфера пред повеќе од 3.000 гледачи, во скопската пресметка видовме тактичко надмурување меѓу двајцата тренери Ердем и Седлоски. Домашните во поголем дел ја имаа и иницијативата, имаа и неколку закани кон голот на Талески, на Имери во два наврати, на другата страна Омерагиќ од нешто оддесно шутираше за малку непрецизно кон домашниот гол.
Инаку непосредно пред голот на гостите, Гоце Седлоски беше исклучен од судијата Стојанче Трпчевски и мораше да оди во соблекувална.
Да кажеме дека мечот започна со доцнење од 7-8 минута затоа што немаше возила на прва помош и пожарна.
