Како ли само почна викендов во Ф1 во Мајами. Кими Антонели со своите 19 години испиша историја. Тој со својот Мерцедес се избори во квалификациите за пол-позиција за спринтот кој ќе се вози денеска во 18 часот, па така стана најмладиоиот освојувач на пол – позиција во историјата на Формула 1, без разлика дали станува збор за спринт или главната трка.
Кими беше најбрз во квалификациите и тоа пред Пјастри, Норис и Верстапен.
Младиот Италијанец направи големо изненадување, па може да се каже и сензација. Сепак останува да се види дали ќе има сила и во спринт трката да дојде до добар пласман како и во главните квалификации, а на крај секако и во главната трка во Мајами која е закажана за утре во 22 часот.
