Денеска се играат два нови меча од четвртфиналето во плеј-офот. Кожув и Пелистер мора максимално да ја искористат предноста на домашен терен.
Гевгеличани се домаќини на МКК Куманово и губат со 1-2 во серијата подобар во пет меча, додека пак Пелистер исто на домашен терен го пречекува Работнички, и тука ситуацијата е јасна. Пораз за битолчани ќе значи крај на сезоната.
„Секако дека можеме да славиме, но исто така и знаеме дека нема да ни биде лесно. Се надевам дека ќе успееме да останеме со ист фокус и мотивација, тоа донесе резултат на последниот меч, може да биде клучен фактор и на саботната пресметка. Не треба да размислуваме за полуфинале, туку само за наредниот меч, да стигнеме до 2-2, а потоа ќе се фокусираме на евентуалната мајсторка“, искусно порачува Костоски.
Во рамките на плеј-аут лигата Вардар го пречекува Тиквеш во 15 часот, додека пак Гостивар е гостин на Шкупи во 17 часот.
