Попладнево се одиграа сите осум средби од 28.коло во ВМФЛ. Интересно, сите водечки на табелата победија и успеаја да освојат по трите бода, па така нема никакви промени на табелата и по ова 28.коло. Тоа значи дека одлуката за тоа кои две екипи директно ќе се пласираат во ПМФЛ, а која ќе биде трета и ќе игра бараж, ќе падне во последните две кола.
Македонија ЃП како гостин славаше со 0:1 кај Вардар (Н), Арсими го победи Борец со 2:4 во Велес, Башкими во самиот финиш дојде до победата од 1:2 кај Кожув. Интересно, но и дегутантно е како тоа играше Кожув во последните десетина минути, домашните просто стоеја на теренот. Навистина тоа е далеку од фер-плеј. Со овој натпревар треба надлежните и тоа како да се позанимаваат. Погледнете го само видеото и се ќе ви биде јасно.
Додека Брегалница славеше дома со Беласица со 1:0.
РЕЗУЛТАТИ – 28.КОЛО
Борец – Арсими 2:4
Брегалница – Беласица 1:0
Детонит – Охрид 3:2
Скопје – Победа 0:0
Кожув – Башкими 1:2
Осогово – Новаци 2:0
Вардар (Н) – Македонија ЃП 0:1
Вардарски – Саса 1:4
ТАБЕЛА
Македонија ЃП 63, Арсими 61, Башкими 60, Брегалница 55…
