Реал Мадрид и Манчестер Сити во последните недели водат сериозни преговори за трансфер вреден 150 милиони евра. Пеп Гвардиола наводно неколку пати го контактирал играчот во обид да го намами на „Етихад“. Иако играчот беше заинтересиран, преговорите не успеаја.
Станува збор за Флоријан Вирц, 22-годишен талент од Баер Леверкузен кој најверојатно ќе го промени клубот на лето и ќе ја продолжи кариерата во поголема средина. Фернандо Каро, еден од лидерите на Баер, неодамна изјави дека трансферот нема да биде помал од 150 милиони евра и дека двата клуба се подготвени да ја платат таа цена.
Реал Мадрид беше првиот што покажа интерес, сакајќи да ја исполни желбата на Чаби Алонсо и да продолжи да работи со Вирц, додека Манчестер Сити сакаше да го обнови својот играчки кадар според идеите на Гвардиола. Сепак, Ханс-Јоаким Вирц, таткото и менаџерот на младата ѕвезда на германскиот фудбал, имаше одлучувачки збор во целиот процес.
Иако лично разговарал со Гвардиола, според германските медиуми, пораката што му ја испратил на својот син била јасна: „Нема да одиш во Сити или Реал, ќе одиш во Баерн, бидејќи тој клуб е најдобар за твојот развој“.
Конечната одлука беше донесена на состанок што Вирц постариот го имаше со Ули Хенес, клучен човек во Баерн кој сè уште го води клубот одзади. Вирц постариот претходно побарал совет од Хенес за трансфери, а неодамнешниот состанок бил клучен за донесување на одлуката.
Се чини дека Баерн ќе добие силен дует за во иднина, бидејќи Вирц ќе му се придружи на Џамал Мусијала, што е она што го сакаа двајцата млади играчи.
