Мохамед Салах е прогласен за играч на годината во Премиер лигата, според изборот на фудбалските новинари. Салах, како што се очекуваше, ја освои наградата со 90 проценти од гласовите и тоа е најубедливата победа во овој избор во овој век.
Египќанецот е само вториот играч кој трипати ја добива наградата на новинарите за најдобар играч во сезоната, изедначувајќи се со легендата на Арсенал, Тиери Анри.
Салах постигна 33 гола во сите натпреварувања за „црвените“ оваа сезона, која сè уште не е завршена, вклучувајќи 28 во Премиер лигата во која ја освои својата втора шампионска титула. Вирџил ван Дајк е на второто место зад Салах, додека Александар Исак е на третото место.
