Во Гевгелија веќе неколку дена „врие“ атмосферата по повод контроверно завршениот меч од ВМФЛ шампионатот на Македонија на екипите на Кожуф и Башкими. Истиот заврши со конечни 1:2 за гостите од Куманово, кои постигнаа гол во последните секунди од мечот, а кој е во најмала рака според, дискутабилен и се коси со регуларност по сите основи.
Јавноста веднаш реагираше по завршувањето на мечот, ФФМ, полицијата исто така се активираа. Работата институциите на расчистување на ситуацијата, а во меѓувреме во Гевгелија, навивачите на Кожуф, популарните “Фантоми“, гневни на она што се случи, бараат одговори. Како од играчите, преку управата, па се до градските власти.
Па така, вчера е одржана средба меѓу нив и градоначалникот на Гевгелија, господинот Андон Сарамандов на кој е дискутирано за се што се случи, а донесен е заклучот дека сите се на иста страна. На онаа на Кожуф. Сепак, дека виновниците за овој срам мора да бидат апострофирани, и доколку се установи нивна вина од правен аспект, истите да сносат последици.
