Чаби Алонсо го презема Реал Мадрид во наредните месеци. Овој голем стручњак веќе планирал потези, а меѓу нив биле доведувањето на Флоријан Вирц и Џонатан Тах од Баер, и Мартин Зубименди од Реал Сосиедад.
Вирц веднаш се откажа и се фокусираше исклучиво на понудата на Баерн. Сè уште има надеж за Тах, но овој германски репрезентативец во моментов е поблиску до Барселона и Баерн.
Уште еден голем удар дојде, Мартин Зубименди нема да го носи дресот на Реал Мадрид. Феноменалниот 26-годишен играч од средниот ред се согласи на трансфер во Арсенал. Тој ќе стане првото летно засилување на Микел Артета.
„Арсенал постигна договор со Мартин Зубименди од Реал Сосиедад. Остануваат само формалности. Сепак, Арсенал е сè уште претпазлив. Зубименди во минатото се предомисли, но сега има целосен договор со играчот. Тој ќе биде првото засилување во ерата на Андреа Берта“, пишуваат англиските медиуми.
Зубименди беше поврзуван со Ливерпул минатата година. Наводно, тој дури се согласил да се пресели на „Енфилд“, но во последен момент се предомислил и останал во Сан Себастијан.
Тој постојано се поврзува со Реал Мадрид во последните месеци. Навидум, тој бил огромна желба на Чаби Алонсо, но очигледно тој решил да оди во Англија.
Неговата цена е 60 милиони евра и тоа е сумата што Арсенал со задоволство ќе му ја плати на баскискиот клуб, додека Реал и Чаби Алонсо ќе мора да бараат друго решение за својот среден ред.
Мартин Зубименди порасна во Реал Сосиедад, помина низ сите младински категории на клубот од Сан Себастијан, а е член на првиот тим од 2020 година.
За својот сакан клуб одигра 232 натпревари со 10 гола и девет асистенции, но јасно е дека овие статистики не му се примарни во играта. Тој е човек кој врши исклучителна работа на средниот ред и прави огромна разлика.
Зубименди е и член на шпанската репрезентација, за која одигра 17 натпревари. Тој го освои Европското првенство и Лигата на нации на УЕФА, додека на клупско ниво го освои Кралскиот куп.
Арсенал доби навистина спектакуларно засилување во него. Причината за поголемата прослава е фактот што го „украдоа“ од големиот Реал Мадрид.
