Каква победа на Виљареал на гости кај Џирона на Миовски и тоа со 0:1. Победа голема три бода кои значат и тоа како во битката за пласман во Лигата на Шампионите. Се играше 89.минута кога Ете Ејонг убаво со глава ја затресе домашната мрежа.
Реално гостите беа подобри, имаа повеќе изгледни шанси за гол и заслужено победија.
Инаку македонскиот напаѓач Бојан Миовски повторно од клупа го започна мечот, но влезе во игра во 73.минута место Стуани и беше на терен дваесетина минути. Сепак ни тој не и помогна на Џирона барем да дојде до бод.
