Денвер Нагетс поведоа со 2-1 во второто коло од плејофот на НБА, откако ја победија Оклахома Сити со 113-104 на „Бол Арена“.
Ова не беше натпреварот на Никола Јокиќ на кој сме навикнати, тој постигна 20 поени со 16 скока и шест асистенции, но исто така шутираше 0/10 од три поени и загуби осум топки.
„Се обидувам да бидам присутен, одбраната беше добра во последната четвртина. Тие се силен и физички силен тим, промашив шутеви, направив грешки. Бев најлошиот играч на теренот, но победивме и тоа е најважно. Џамал беше одличен целиот натпревар, беше тимска работа, но одбраната одлучи“, рече Јокиќ, и додаде:
„Промашив неколку отворени шутеви, тоа се случува. Бев фрустриран, но се обидов да останам во играта и да ги правам сите други работи. Се случуваат вакви ноќи, моите соиграчи ме креваа, но јас продолжував да шутирам дури и ако топката не сакаше да влезе во мрежата“, рече Јокиќ.
