Македонската женска ракометна репрезентација нема да игра на престојното Светско првенство. Меѓународната федерација (ИХФ) одлучи единствената вајлд карта за Мундијалот да и ја додели на Хрватска.
РФМ поднесе барање до ИХФ за вајлд-карта но истата отиде во рацете на Хрватска. ИХФ не наведе посебни критериуми за начинот на доаѓање до истата, но секогаш го зема во предвид општиот развој и популарноста на ракометот во земјата кандидат, неодамнешните спортски достигнувања и потенцијалното влијание на учеството врз глобалниот развој на спортот.
Претходно вајлд-карт доби Кина со што е комплетиран списокот на учесници на СП кое се одржува во Германија и Холандија од 26 ноември до 14 декември.
ЕВРОПА : Австрија, Хрватска, Чешка, Данска, Фарски Острови, Франција, Германија, Унгарија, Исланд, Црна Гора, Холандија, Норвешка, Полска, Романија, Србија, Шпанија, Шведска, Швајцарија.
АФРИКА : Ангола, Египет, Сенегал, Тунис.
АЗИЈА : Иран, Јапонија, Казахстан, Кина, Јужна Кореја.
ЈУЖНА И ЦЕНТРАЛНА АМЕРИКА : Аргентина, Бразил, Парагвај, Уругвај.
СЕВЕРНА АМЕРИКА И КАРИБИТЕ : Куба.
