Карло Анчелоти е новиот селектор на Бразил. Италијанецот веројатно ќе ја заврши богатата кариера со тренерска работа во една од најдобрите национални тимови во светот, селекцијата на Бразил.
Легендарниот Италијанец денес беше официјално најавен за тренер на Кариока, а имаше неколку барања за време на преговорите. Некои беа навистина бизарни, и тој одлучи да укине едно правило во просториите на федерацијата.
„Пушењето сега е дозволено во сите простории на Бразилската фудбалска конфедерација. Овој детаљ е дел од договорот на Карло Анчелоти“, објавува „Глобо“.
Италијанецот очигледно обрнувал внимание на секој детал. Тој е пушач и нема намера да се воздржува од порок во просториите на тамо Дон Карло бил пушак и како играч. На 25-годишна возраст, тој почнал да пуши откако имал огромни проблеми со повреди. Оваа навика останува и денес и често може да се види со цигара.
Анчелоти ќе се фрли на работа веднаш по завршувањето на сезоната во Шпанија. Тој ќе го одигра својот последен натпревар на 25 мај против Реал Сосиедад, а потоа веднаш ќе отпатува за Бразил.
Неговиот прв натпревар на клупата за Кариока е на 6-ти јуни. Противник е Еквадор, а пет дена подоцна ќе играат на гостински терен во Парагвај.
Ова се два тешки предизвици. И двете репрезентации се на прагот од квалификации за Светското првенство, исто како и Бразил, и ќе мора да се борат за позиции до крајот.
Анчелоти веќе разговараше со одредени ѕвезди. Бразилците пишуваат дека ќе го вратат Касемиро во репрезентацијата, а дека сериозно сметаат и на Нејмар, кој е надвор од игра поради повреда. Тој и рекол на „десетката“ на Бразил дека ќе има главна улога на Светското првенство, само ако е здрав.
Дефинитивно, Бразил доби многу со доаѓањето на Анчелоти и ќе видиме како познатиот стручњак ќе се снајде на тренерската позиција.
