Неофицијално дознаваме, попладеново припадници на МВР влегле во Башкими како дел од истрагата за сомнителниот натпревар со Кожуф. Овие денови се очекуваат конкретни информации со детали околу тоа кој, како и зошто предизвика фудбалски земјотрес во Втората лига.
Во текот на денот ФФМ излезе со детали околу постапката против лица од Кожуф по добиените изјави и факти од таборот на гевгеличани и официјалните лица од натпреварот.
„Случајот не е затворен и Одделот за безбедност и интегритет продолжува со активна проверка на сите релевантни аспекти поврзани со натпреварот.
ФФМ и Одделот за безбедност и интегритет остануваат цврсто посветени на заштитата на интегритетот на натпреварувањето и ќе продолжат со целосна соработка со сите надлежни институции за целосно расветлување на случајот“, стоеше во соопштението на ФФМ во текот на денешниот ден.
