Во моментов тимот на Манчестер Јунајтед е во ужасна ситуација на табелата. Единственото добро нешто во сезоната на тимот од Олд Трафорд, е финалето во Лигата на Европа, каде што се среќава со Тотенхем. Се останато е за заборав, а можеби и треба да се запомни, за да се знае како не треба.
Менаџерот Рубен Аморим, пак од друга страна е убеден дека го има рецептот како тимот да се врати на правата стаза што се однесува до резултатите.
„Разговарам со менаџментот, со сите, па дури и со навивачите во секој даден момент. „Имам јасно чувство дека знам што му е потребно на овој тим за да биде многу подобар, а тоа ми помогна да го одржам моето ниво, да не паднам премногу ниско и да не се искачам премногу високо во некои моменти – изјави Аморим па додаде.
„Тешко е да се најде друг збор. Навистина ми е срам што во 25 натпревари победивме само на шест.Нешто не е во ред со начинот на кој играме фудбал, а понекогаш не станува збор за начинот на кој играме тактички и технички. Станува збор за начинот на кој се соочуваме со конкуренцијата, начинот на кој страдаме и се лутиме затоа што губиме, и начинот на кој го браниме нашиот гол. Ова се работи што треба да ги подобриме и понекогаш не е само на теренот, туку и надвор од него. За тоа чувство зборувам, борба до крај, начинот на кој се соочуваме со конкуренцијата. Не е добро да се изгуби, не е добро да се израмни. Не е важно дали можеме да ја промениме нашата позиција во лигата или не – тоа чувство нема никаква врска со самодовербата. Станува збор за вербата и разбирањето дека ние сме Манчестер Јунајтед и не сакаме да бидеме најлоши во лигата. Нашата позиција е неприфатлива и за мене тоа не е недостаток на самодоверба, туку недостаток на нешто многу подлабоко“, додаде Португалецот.
