ФЦ Галатасарај/ФБ
Галатасарај е победник во вечерашното финале во Купот на Турција. Гигантот од Истанбул со 3:0 славеше во Газијантеп против Трабзонспор. И треба веднаш да се каже дека најзаслужниот за овој пехар е Виктор Осимен кој постигна два од трите гола за Галата.
Исто така треба да се каже дека асистент на сите три гола беше Акгун кој одигра навистина маестрално.
Се играше 5.минута кога Јилмаз на додавање на Акгун стрелаше за 1:0. Акгун потоа двапати му асистираше на Осимен, во 46. и 63.минута.
Ова е 19-ти трофеј на Галатасарј во клупската историја во Купот на Турција, со што е рекордер во турскиот фудбал.
Претстојниот викенд Галата најверојатно ќе стави печат на титулата во првенството со што ќе дојде до двојната круна во оваа сезона.
