Кошаркарите на Минесота Тимбервулвс се пласираа во финалето на Западната конференција откако без поголеми проблеми ги елиминираа Голден Стејт Вориорс во серијата.
Минесота игра фантастично во плејофот, а овој тим го демонстрираше тоа против Голден Стејт, победувајќи со 4:1.
Тимбервулвс покажаа зошто се едни од фаворитите за освојување на титулата во НБА, без Стеф Кари беше полесно за нив, иако се очекуваше дека Вориорс дури и можат да изненадат. На последната средба Минесота беше подобра со 121:110.
Домашниот тим имаше предност од самиот почеток на натпреварот, која не ја испушти, а таа растеше од напад во напад.
Минесота до победата ја предводеше Рендл, кој го заврши натпреварот со 29 поени, осум скока и пет асистенции, а се истакна и Едвардс со 22 поени, 12 асистенции и седум скока.
Vibes are HIGH for Minnesota 🕺 https://t.co/0bECc532uI pic.twitter.com/Ql3dWyYK2g
— NBA (@NBA) May 15, 2025
Бостон Селтикс и Њујорк Никс ја продолжија драмата во оваа серија. Селтикси победија убедливо со 127:102 и поведоа со 3:2, приближувајќи се до пласман во финалето на Источната конференција.
