Италијанскиот стратег Џенаро Гатузо потврди дека ќе го напушти клубот на крајот од сезоната, а иако има уште една година од договорот нема да бара никаква финансиска надокнада од сплитските бели.
„Сигурно ова е последен натпревар за мене на Пољуд. Имам уште една година од договорот, но работиме на тоа да си заминам на крајот од сезоната“, потврди Гатузо за хрватските медиуми.
„Ќе си заминам без да барам ништо за возврат. Нема да прифатам отпремнина, затоа што ни ја заслужувам. Ќе го добијам само она што ми припаѓа сега. Парите никогаш не ми биле клучни и важни“, дополнил Италијанецот.
