И покрај поразот од Силекс со 1:3 во последното коло од Првата македонска фудбалска лига, во Тетово попладнево има големо славје. Шкендија и официјално го доби шампионскиот пехар за сезоната 2024/25 и ја почна шампионската прослава.
Тетовците „црно-црвени“ по петтипат станаа шампиони на Македонија, а капитенот Бесарт Ибраими и неговите соиграчи ги добија заслужените медали и шампионскиот пехар од рацете на претседателот на Фудбалската федерација на Македонија, Масар Омерагиќ.
