Македонскиот репрезентативец Александар Трајковски вчера постигна победнички гол за Хајдук на мечот со Ријека за 2:1, а тренерот на сплиќани по средбата јавно му се извини за то ашто оваа сезона му даваше мала минутажа.
„Тој го заслужи ова“, рече тренерот на Хајдук, Џенаро Гатузо, за кого македонскиот напаѓач беше спореден играч во поголемиот дел од сезоната.
„Кога го постигна голот, лесно можеше да ме испрати „таму“ со оглед на тоа што не игра многу. Тој имаше проблеми со повреди. Како тренер, морам да му се заблагодарам. Тој е секогаш во добро расположение. Немав никакви проблеми со него“, вели Гатузо.
