Клаудио Раниери одржа емотивен говор на „Олимпико“ синоќа по својот последен домашен натпревар како менаџер на Рома. Раниери се врати од пензија во ноември за да го преземе тимот во тежок период кога беше блиску до зоната за испаѓање и веќе имаше сменето двајца тренери. Под негово водство, тимот се искачи на петтото место на табелата и ги задржа надежите за учество во Лигата на шампионите во последното коло.
И покрај фантастичната револуција која ја направи во тимот, Раниери ќе се пензионира од тренерската работа ова лето и беше испратен со аплаузи и благодарност од навивачите на Рома.
„Ви благодарам на сите. Бев меѓу вас на трибините пред 60 години. Ја побарав вашата помош и сега ни е потребен последниот чекор. Горд сум на овие момци. Ни требаше вашата љубов. Ви благодарам бескрајно“, рече „пензионерот“.
„Сè уште го чувствувам адреналинот! Кога повторно ќе ги гледам овие снимки, можеби ќе се чувствувам уште поемотивно. Одлично е да се чувствуваш ценет од твоите луѓе. Почнавме во тешка ситуација, но тимот никогаш не се откажа. Им благодарам на играчите бидејќи не беше лесно во таа ситуација, кога сè изгледаше мрачно. Многу сум среќен за нив, за навивачите и за претседателот“, заврши Раниери.
💛🏟️❤️#ASRoma pic.twitter.com/eBvso0ALd7
— AS Roma (@OfficialASRoma) May 18, 2025
Grazie Mister!#ASRoma pic.twitter.com/gpcFr6xc2Q
— AS Roma (@OfficialASRoma) May 18, 2025
