Младинците на Работнички У-19 и официјално се шампиони на Македонија во својата конкуренција, па така овој тим ќе ја претставува нашата земја во младинската лига на шампионите. Се разбира дека ова е голем успех за овој клуб кој по првпат ќе се натпреварува во оваа конкуренција во фудбалска Европа.
Инаку ждрепката за 1.квалификациско коло ќе се одржи на крајот на август а мечевите ќе се играат во септември.
Треба да се минат три кола за да се дојде до двомечи со гиганти, за да се дојде до завршната фаза во младинската лига на шампионите. Како што рековме ова е прво учество на Работнички, а досега Македонија ја претставувале младинските екипи на Вардар, Шкендија, Победа, Брера.
