Според италијанскиот гуру за трансфери, Фабрицио Романо, Ливерпул е многу блиску до ангажман и на второто летно засилување. Според информациите објавени денеска, Милош Керкез од Борнмут ќе биде нов лев бек на „црвените“.
Преговорите со раководството на Борнмут напредуваат брзо, а блиску е и договор со самиот играч во врска со деталите од договорот. 21-годишниот лев бек би сакал да се приклучи на клубот во кој настапува и неговиот сонародник Доминик Собослај, а трансферот би можел да биде комплетиран наскоро, бидејќи клубовите веќе преговараат за точната сума за трансферот.
Керкез Милош одигра 36 лигашки натпревари оваа сезона, постигна два гола и имаше шест асистенции.
