Серија А сè уште нема план што ќе прави доколку актуелниот шампион Интер успее да ја освои титулата во последното коло од првенството, пишува „Газета дело Спорт“.
Како што е познато, лидер на табелата е Наполи со 79 бода, но само еден повеќе од „нероаѕурите“, кои се на втората позиција. Затоа двата тима ќе ги играат своите натпревари од последното коло во исто време во петок, со почеток во 20:45 часот. Наполитанците се домаќини на Каљари, додека Интер гостува во Комо.
Во вакви случаи, кога шампионот станува јасен дури во последното коло од првенството, обично постои организација за сите можни сценарија. На пример, ако Наполи триумфира, играчите на тимот ќе го добијат шампионскиот трофеј и златните медали веднаш по мечот пред своите навивачи, но слично сценарио мора да има и ако Интер успее да слави во Комо. Од Серија А засега не се сигурни дека ќе можат да подготват таква „резервна“ церемонија во Комо, па предлагаат ако Интер стане шампион да организираат шампионско доделување на пехарот во недела на „Џузепе Меаца“. Сепак, засега не е планирана свечена церемонија дури и ако Интер ја освои титулата, бидејќи Милан на истиот стадион ќе биде домаќин на Монца ден претходно.
