Од деталите кои што се дел од ова вечерашно најново издание на фудбалскиот Куп на Македонија во кое од 20:00 часот на Арената Тодор Проески се среќаваат екипите на Вардар и Струга Трим Лум доаѓа и оној веројатно најважниот.
Од Фудбалската Федерација на Македонија за овој меч, подготвија нов пехар за доделување. Оној стариот заминува во историја од една многу проста причина.
Самиот пехар е пренослив односно освојовачот го има во свое поседство само една година. На истиот се гравира името на освојувачот и сезоната, и токму тоа е причината за нов пехар. На стариот едноставно сите места за гравирање се пополнети. Ова ќе биде трет пехар кој што ќе ја види светлоста на денот кога станува збор за Купот на Македонија.
Притоа ФФМ обезбедува помала верзија од истиот кој што останува во сопственост на освојувачот на Купот на Македонија.
