Манчестер Сити најави дека ќе постави статуа на Кевин де Брујне пред стадионот. Моментално во близина на стадионот на Манчестер Сити има статуи на Винсент Компани, Давид Силва, Серхио Агуеро, Мајк Самерби, Френсис Ли и Колин Бел.
„Ова значи дека секогаш ќе бидам дел од овој клуб. Секогаш кога ќе се вратам тука со моето семејство и пријатели, ќе можам да се видам себеси, па затоа секогаш ќе бидам тука“, изјави Де Брујне за Би-Би-Си.
Де Брујне дојде во Манчестер Сити во летото 2015 година, одигра 421 натпревар за клубот, постигнувајќи 108 гола и 177 асистенции, а освои и 19 трофеи.
