Алкалоид е пред нова историја. Кирил Лазаров и неговиот тим се на чекор до пехар во ЕХФ Европскиот Куп, од него ги делат 60. минути. По неверојаното издание против АЕК во Атина и победата од четири гола разлика во првото финале, картите за реваншот се распродадени, па во недела во СЦ „Борис Трајковски“ ќе ја имаат максималната поддршка од трибините.
Актуелниот освојувач на Купот на Македонија се најде во ценатрот на вниманието во Европа, подвигот кој го направи со млад состав и 90% македонски играчи е за поклон, па токму затоа заслужуваат европската бајка да ја завршат со пехар.
ЕХФ денеска потсети на мечот во Скопје, сподели во кои земји ќе се гледа второто финале потенцирајќи дека не треба да се пропушти.
